نه گؤزهلسن آنا وطن
سنسن منه آنا، وطن!
گول چیچکلی باغلارین وار
چوخ ویقارلی داغلارین وار
تاریخینه وورغونام من
شهریارام، وورغونام من
قوینوندا بسلهدین منی
چوخ سئویرم منده سنی
وطن، وطن، جانیم وطن
داماردا آل قانیم وطن!
سن آنامسام همده آتام
نئجه اولار سنی آتام؟
عشقین اولوب منیم جانیم
فخرین اولوب آدیم، سانیم
شرف، غئیرت کانی وطن
سئومهیهنین هانی وطن؟!
قوینوندا بسلهدین منی
اونوتمارام بیر آن سنی
وطن، وطن، جانیم وطن
داماردا آل قانیم وطن!
وطن اوغروندا
من وطن سِودالييام طوفان دايانديرماز مني
عرشه باش قالديرسادا داغلار يوبانديرماز مني
جايديرانماز زهنيمي آل ايليـَنلر هيچ زمان
چون خليل الله دانام اوتلاردا يــــــانديرماز مني
من وطــن درياسينين بير دالقالي طوفانيام
شوره زارلاردان گلن توزلار بولانديرماز مني
کونلوم گینه بلبل کیمی شیدای وطندیر
مجنون ائده ن عاشیقلری لیلای وطندیر
یوزلرله گوزل عاشیقی اولسام دا من،اما
قلبیم گینه ده عاشیق ـ سودای وطندیر
دنیایه گوزللیک وئره ن ، البته ، گونشدیر
اوندان دا گوزل خلقه تجلای وطندیر
قویماز بو مقدس یئره بیگانه توخونسون
هر کس کی، صداقتلی دیر ،ابنای وطندیر
تعریف بهشت ائیلمه سین خلقیمه هئچ کس
جنت ده ، بهشت ده ، بیزه صحرای وطندیر
"واحید"ائله ظن ائیله کی،من یوسف عصرم
معشوقه منه عشق زلیخای وطندیر
